Përmbajtja

Fjala e redaktorit
Fjala e recensentëve
Parathënie
1. Historiku i sëmundjeve të gjirit 
2. Anatomia dhe fiziologjia e gjirit 
2.1. Zhvillimi i gjirit 
2.2. Thimthi – thelbi i gjirit
2.3. Indi dhjamor i gjirit
2.4. Indi gjëndëror i gjirit
2.5. Furnizimi me gjak i gjirit dhe rrugët limfatike
2.6. Indi lidhor i gjirit
2.7. Lëkura e gjinjve
3.Sëmundjet e gjinjve
3.1. Sëmundjet beninje të gjinjve
3.1.1. Sëmundja fibrocistike e gjinjve 
3.1.2. Rrjedhja nga thimthi (thelbi i gjirit)
3.1.3. Inflamacioni i gjirit
3.1.4. Mastalgia – mastodinia (dhembjet në gji)
3.1.5. Fibroadenomat e gjirit
3.1.6. Tumori filodes i gjirit
3.1.7. Hamartomet e gjirit
3.1.8. Cistet – kistet e gjirit
3.1.9. Adenoza e gjirit
3.1.10. Fibroza e gjirit
3.1.11. Ektazia duktale
3.1.12. Papilomat intraduktale të gjirit
3.1.13. Lipomat e gjirit
3.1.14. Tumoret vaskularë të gjirit
3.1.15. Tumoret granularë qelizorë të gjirit
3.1.16. Nekroza dhjamore në gji
3.1.17. Papilomatoza dhe adenoma e thimthit të gjirit
3.1.18. Dermatiti kronik i thimthit të gjirit
3.1.19. Sëmundja e Paxhet-it 
4. Kanceri i gjirit
4.1. Hyrje
4.2. Epidemiologjia e kancerit të gjirit
4.3.  Klasifikimi i kancerit të gjirit
4.4. Treguesit e prognozës së Notingamit
4.5. Shenjat dhe simptomat e kancerit të gjirit
4.6. Lokalizimi i kancerit të gjirit
5. Faktorët e rrezikut relativ dhe parandalimi i kancerit të gjirit
5.1. Hyrje
5.2. Faktorët e rrezikut relativ në të cilët nuk mund të ndikojmë
5.2.1. Gjinia
5.2.2. Mosha
5.2.3. Faktorët gjenetikë
5.2.4. Anamneza familjare
5.2.5. Anamneza personale
5.2.6. Rezultati patohistologjik abnormal i biopsisë së gjirit
5.2.7. Rrezatimi i mëhershëm i gjirit
5.2.8. Ciklet menstruale
5.2.9. Trajtimi me DES
5.3.Faktorët e rrezikut relativ ku mund të ndikojmë
5.3.1. Moslindja e fëmijëve dhe numri i shtatzënive - lindjeve
5.3.2. Pilulat kontraceptive
5.3.3. Terapia zëvendësuese hormonale
5.3.4. Gji-dhënia dhe shtatzënia
5.3.5. Përdorimi i alkoolit
5.3.6. Përdorimi i proteineve
5.3.7. Mbipesha dhe ushqimi shumë i yndyrshëm
5.3.8. Aktiviteti fizik
5.3.9. Vaji i ullirit
5.4. Faktorët e dyshimtë të rrezikut relativ
5.4.1. Ambienti dhe duhani
5.4.2. Pesticidet dhe deodoranset
5.4.3. Jeleku i gjinjve - sutjenat
5.4.4. Abortet - dështimet
5.4.5. Implantet e gjirit me silikon
5.4.6. Profesioni
5.5. Parandalimi i kancerit të gjirit
6. Metodat kryesore të diagnostikimit të sëmundjeve të gjirit
6.1. Hyrje
6.2. Anamneza
6.3. Inspeksioni - vështrimi
6.4. Palpacioni – prekja
6.5. Analizat laboratorike
6.6. Mamografia
6.6.1. Kseromamografia 
6.6.2  Galaktografia - duktografia
6.6.3. Mamografia digjitale
6.6.4. Scinti-mamografia
6.7. Ultrasonografia e gjinjve ose sonomamografia
6.8. Ekzaminimi me rezonancë magnetike
6.9. Orari i vizitave për zbulimin e hershëm të kancerit të gjirit
7. Vetëkontrollimi i gjinjve
7.1. Hyrje
7.2. Vetëkontrollimi i gjinjve me anë   të vështrimit - qëndrimi para pasqyrës
7.3. Vetëkontrollimi me anë të prekjes
7.4. Vetëkontrollimi i gjirit në pozitë të shtrirë
7.5. Vetëkontrollimi i gjinjve nën dush
7.6. Kodeksi evropian kundër kancerit të gjirit dhe disa këshilla të tjera për jetë të shëndetshme
8. Mjekimi i kancerit të gjirit
8.1. Hyrje
8.2.Operacionet kursyese – jo radikale të  kancerit të gjirit
8.2.1. Biopsia e nyjave limfatike Sentinel
8.2.2. Kanceri intraduktal in situ (CIDIS) dhe kanceri intralobular in situ (CILIS)
8.3. Ndërhyrjet operative radikale
8.4. Mjekimi i kancerit të gjirit me rrezatim
8.5. Mjekimi shtesë - sistematik
8.5.1. Kimioterapia
8.5.2. Terapia hormonale
8.5.3. Target terapia (Terapia e fokusuar - e cakut)
8.6. Mjekimi simptomatik
8.7. Prognoza
9. Kanceri i gjirit te meshkujt
9.1. Hyrje
9.1.1. Kush sëmuret nga kanceri i gjirit?
9.1.2. Faktorët favorizues të kancerit të gjirit te meshkujt 9.1.3. Zhvillimi i sëmundjes
9.1.4. Përfundimet e mundshme
9.1.4. Si mund të preken meshkujt nga kanceri i gjirit?
9.1.5. Si bëhet diagnostikimi i kancerit të gjirit te meshkujt?
9.1.6. Si trajtohet kanceri i gjirit te meshkujt?
9.1.7. Intervenimi kirurgjik
9.1.8. Radioterapia
9.1.9. Hemoterapia
9.1.10. Terapia hormonale
9.1.11. Ginekomastia
10. Paragjykimet dhe pyetjet më të shpeshta për kancerin e gjirit
10.1. Dhjetë paragjykimet më të shpeshta për kancerin e gjirit
10.2. Pyetjet që parashtrohen më së shpeshti
- Shënim për autorin
- Literatura dhe burime nga Web-i
- Shtojcë: Trajtimi kemoterapeutik i karcinomës së gjirit

Parathënia 

Nuk duhet të jesh shumë mendjehollë që të konstatosh se problemi i kancerit të gjirit është vërtet i pranishëm, nga që çdokush nga ne, në familjet tona të ngushta ose të gjera, tek fqinjët ose shokët, takojmë persona që përballen me problemin e kancerit të gjirit. 

Te shumica e grave, këto raste nuk lënë vetëm dhimbje për humbjen e të afërmve, por edhe dyshime, brengosje dhe qindra pyetje në lidhje me shëndetin e tyre. Se sa i madh është numri i atyre pyetjeve, të cilat mund të lindin nga mosdija, dyshimi dhe nga frika nga e panjohura, e dinë më së miri mjekët që janë në kontakt të përditshëm me këto gra, të cilat kërkojnë këshilla dhe sqarime.

Për fat të keq, ka ende sot e kësaj dite shumë gra, të cilat i mundojnë shqetësimet me ditë e me muaj, për shkak se vetë, rastësisht zbulojnë (prekin) në gjirin e tyre ndonjë ndryshim për të cilin nuk dinë se çka paraqet. Nga frika e konsiderojnë në shumicën e rasteve si kancer dhe të tmerru­ara nga kjo, as që marrin guxim të shkojnë te mjeku, meqë mendojnë se mjeku vetëm sa do ta vërtetojë diagnozën. 

Ky libër ofron informatat më të reja, sa të hollësishme aq edhe të dobishme, për sëmundjet e gjirit, në përgjithësi, dhe për kancerin e gjirit, në veçanti. Këtu jepen këshilla profesionale elementare, të lehta për t’u kuptuar.

Libri, shërben fillimisht për arsimimin shëndetësor të grave, pa marrë parasysh moshën e tyre. Nga njëra anë, shërben për të treguar se cilat gjendje te gjinjtë konsiderohen normale, për cilën moshë të grave, cilat janë ndryshime normale, e cilat - jo. Në anën tjetër, që të gjithë lexueseve synon t’ua sqarojë faktin se mosha e rinisë nuk është garanci për shëndet.

Libri ka për qëllim të sqarojë se sa e rëndësishme është përcjellja e gjendjes së gjinjve, por edhe e shëndetit në përgjithësi, meqë dihet se asnjë grua nuk është imune ndaj ndryshimeve beninje apo malinje në organizmin e vet.

Gruaja duhet të jetë e vetëdijshme, se gjëja më e tmerrshme nuk është zbulimi i ndryshimeve në gji, por injorimi i këtyre ndryshimeve. Me ekzaminim të hershëm mund të vërtetohet shkalla dhe natyra e ndryshimeve. Vetëm në këtë mënyrë është e mundur të ndërmerren masa korrekte drejt shërimit.

Është me rëndësi të theksohet se gratë nuk duhet ta përdorin këtë libër që vetë ta përcaktojnë diagnozën, e as që ta ndërmarrin shërimin sipas hamendjes së vet. Nëse në gjinj vërehet çfarëdo shmangie nga normalja, duhet të kërkohet ndihma e mjekut. Edhe pse ndryshimet, që mund të konstatohen nga ana e grave, janë në të shumtën e rasteve be­ninje, megjithatë është e domosdoshme që këtë ta vërtetojë mjeku.

I karakterizuar si përpjekje profesionale serioze, ky libër shpresojmë se do t’u ndihmojë të interesuarve për zbulimin sa më të hershëm të ndryshimeve në gjinj, si dhe do t’i nxisë ata të ndërmarrrin hapa të mëtejmë për trajtimin e sëmundjes.

Edhe pse libri u kushtohet fillimisht grave dhe burrave, që nuk e kanë profesion mjekësinë, këtu mund të gjejnë të dhëna me vlerë edhe studentët e mjekësisë, pastaj mjekët e rinj, por edhe mjekët e profileve të ndryshme, që nuk janë specializuar lidhur me sëmundjet e gjirit.